దారుణం భర్త కళ్ల ముందే భార్యపై గ్యాంగ్ రేప్, వీడియో తీసి..

33

ఆగ్రాలోని ఎత్​మాద్​పుర్​లో మార్చి 29న ఓ వ్యక్తి కళ్ల ముందే తన భార్యను అత్యాచారం చేశారు ముగ్గురు కామాంధులు. ఆ తర్వాత బాధితురాలి ఒంటిపై ఉన్న బంగారం తీసుకెళ్లారు. ఈ ఘటన స్థానికంగా కలకలం రేపింది. భర్తతో కలిసి తన పుట్టింటికి వెళ్తుండగా ముగ్గురు వ్యక్తులు మార్గం మధ్యలోనే వారిని అడ్డుకుని ఒకరి తర్వాత ఒకరు అత్యాచారానికి పాల్పడ్డారని బాధితురాలు తెలిపింది.

“ఇద్దరం కలిసి మా అమ్మ వాళ్లింటికి వెళ్తుండగా ముగ్గురు బెక్​పై వచ్చి మమ్మల్ని అడ్డుకున్నారు. నా ఒంటిపై ఉన్న దుస్తులు తొలగించాలని బలవంతం చేశారు. దీనికి మా భర్త నిరాకరించగా… ఇరువురిని తీవ్రంగా కొట్టారు. తర్వాత అత్యాచారం చేశారు. దాన్ని వీడియో తీసి రూ.10,000 నగదుతో పాటు ఒంటిపై ఉన్న బంగారం ఎత్తుకెళ్లారని” తెలిపింది.

బాధితుల ఫిర్యాదు మేరకు ముగ్గురు వ్యక్తులపై సంబంధిత సెక్షన్ల కింద కేసు నమోదు చేసుకున్న పోలీసులు దర్యాప్తు చేపట్టారు. ఈ ఘటన వెనుక ఎవరున్నా వదిలే ప్రసక్తే లేదని స్థానిక పోలీసు అధికారులు తెలిపారు.

బాధితురాలు ఇచ్చిన వాంగ్మూలాన్ని రికార్డు చేసిన పోలీసులు నిందితుల్ని పట్టుకునేందుకు ప్రత్యేక బృందాల్ని ఏర్పాటు చేశారు. ముగ్గరు నిందితులలో ఒకరిని పట్టుకోగా మిగిలిన ఇద్దరి కోసం గాలింపు చర్యలు చేపట్టారు. బాధితురాల్ని వైద్యపరీక్షల నిమిత్తం ఆస్పత్రికి తరలించినట్టు పోలీస్ అధికారులు తెలిపారు.