కొండరాళ్ళు కారుపై పడి నుజ్జు నుజ్జు.. ప్రాణాలతోబయటపడ్డ ఇద్దరు..

Kinnaur Landslide : హిమాచల్ ప్రదేశ్ కిన్నౌర్ జిల్లాలో ఘోర దుర్ఘటనలో తొమ్మిది మంది పర్యాటకులు ప్రాణాలు కోల్పోయిన విషయం తెలిసిందే. కొండ చరియలు విరిగిపడటంతో ఓ బ్రిడ్జికూడా కూలిపోయింది. ఇదే ఘటనలో రాజస్ధాన్ కు చెందిన వైద్యురాలు దీపాశర్మ దుర్ఘటన జరగటానికి 25 నిమిషాల ముందు తన ట్విట్టర్ ఖాతాలో పెట్టిన పోస్టు సోషల్ మీడియాలో వైరలైంది. అయితే తాజాగా ఘటన నుండి గాయాలతో బయటపడ్డ బాధితుల వీడియో ఒకటి సోషల్ మీడియాలో వైరలవుతుంది.

kinnaur landslide kinnaur landslide

నవీన్, శిరిల్ అనే ఇద్దరు వ్యక్తులు తలకు గాయాలతో వీడియోలో కనిపిస్తున్నారు. వారిలో ఒకరు చెప్పిన సమాచారం బట్టి ఘటన జరగటానికి 10 నిమిషాల ముందు ఘాట్ రోడ్డులో కారు నిలిపి ఉంచామనిte, కొండ పైభాగం నుండి బండరాళ్ళు ఒక్కసారిగా దూసుకురావటంతో తమ కారు నుజ్జునుజ్జు అయిందని తెలిపాడు. ఎలాగొలా తాను ప్రాణాలతో కారునుండి బయటపడ్డానని…కొద్ది సేపటి తరువాత పెద్ద మొత్తంలో దుమ్ముదూళి, రాళ్ళు పడిపోవటంతో కారు ఆనవాలే కనిపించకుండా పోయింది.

సమీపంలోని ఓచెట్టుకిందకు పరిగెత్తాను అదే సమయంలో పోలీసులకు విషయాన్ని చేరవేసే ప్రయత్నం చేసినప్పటికీ సిగ్నల్స్ లేకపోవటం వల్ల అది కుదరలేదు. తలకు గాయమై రక్తం కారుతుంటే దాని చేతి రుమాలు కట్టుకున్నాడు. అతని పక్కనే ఓ మహిళ మృతదేహం కూడా పడివుంది. రక్తంతో తడవటంతో చేతి రుకాలు అంతా ఎర్రని వర్ణంలో మారిపోయింది. విరిగిపడ్డ కొండచరియల దృశ్యాలు చాలా స్పష్టంగా వీడియోలో కనిపిస్తున్నాయి. ఒకటిన్నర నిమిషం నిడివి కలిగిన ఈ వీడియో ప్రస్తుతం సోషల్ మీడియాలో వైరలవుతుంది.

Kinnaur Landslide

చనిపోయే కొద్ది నిమిషాల ముందు షేర్ చేసిన లేడీ డాక్టర్ ఫొటో వైరల్..!

Kinnaur Collapses

జైపూర్ కు చెందిన ఆయుర్వేదిక్ డాక్టర్ దీప ట్విట్టర్ లో చివరగా షేర్ చేసిన పోస్ట్ ఇప్పుడు వైరల్ గా మారింది. ఎందుకంటే అదే ఆమె చివరి పోస్టు కాబట్టి. హిమాచల్ ప్రదేశ్ లో విరిగిపడ్డ కొండచరియలకు ఆమె బలైపోయింది.

హిమాచల్ ప్రదేశ్ కన్నౌవ్ జిల్లాలో సంగాల్ లోయలో ఆదివారం కొండచరియలు విరిగిపడ్డాయి. ఈ ఘటనలో 9 మంది మరణించారు. ఆ 9 మందిలో దీప కూడా ఒకరు.. మధ్యాహ్నం 12.59 గంటల ప్రాంతంలో అక్కడి కొండల్లో ఉన్న ఇండియా-టిబెట్ బార్డర్ వద్ద దిగిన ఫొటోను తన ట్విట్టర్ ఖాతాలో ఆమె షేర్ చేసింది.

1.25 గంటల ప్రాంతంలో కొండచరియలు విరిగి బస్తేరీ వద్ద సంగ్లా-చిట్కుల్ రోడ్డు మీద వెళ్తున్న కార్లపై పడ్డాయి. ఓ కారులో ఉన్న దీప మరణించింది. ప్రస్తుతం ఆమె చవరి పోస్టు వైరల్ గా మారింది.

ఆక్సిజన్ కాన్సంట్రేటర్ పేలి భార్య మృతి.. భర్త కండిషన్ సీరియస్

Oxygen Concentrator:

ఆక్సిజన్ కాన్సంట్రేటర్ (Oxygen Concentrator) పేలి ఒక మహిళ మరణించింది. కరోనాతో బాధపడుతున్న ఆమె భర్త పరిస్థితి విషమంగా ఉంది. ఈ ఘటన రాజస్థాన్‌ గంగాపూర్‌‌లో జరిగింది. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు. గంగాపూర్ సిటీలోని ఉదయ్ మోర్ ఏరియాలో ఉండే ఐఏఎస్ అధికారి హర్ సహాయ్ మీనా సోదరుడు సుల్తాన్ సింగ్‌ కరోనా కారణంగా చాలా రోజుల నుంచి శ్వాస తీసుకోవడంలో ఇబ్బందిపడుతున్నాడు. క్రమంగా కోలుకుంటున్న అతడికి ఇంట దగ్గరే ట్రీట్‌మెంట్ ఇస్తున్నారు. ఇందులో భాగంగా ఆక్సిజన్ కాన్సంట్రేటర్ పెట్టారు.

సుల్తాన్ భార్య సంతోష్ మీనా అతడిని చూసుకుంటోంది. శనివారం తెల్లవారుజామున ఆమె ఇంట్లో లైట్ స్విచ్‌ ఆన్ చేయగానే ఒక్కసారిగా ఆక్సిజన్ కాన్సంట్రేటర్ పేలిపోయింది. ఆక్సిజన్ లీకేజ్‌ కారణంగా అది పేలి ఉండొచ్చని ప్రాథమిక అంచనాకు వచ్చినట్టు పోలీసులు తెలిపారు. పేలుడు శబ్దం విని చుట్టుపక్కల వాళ్లు వచ్చి, మంటల్లో చిక్కుకున్న దంపతులను బయటకు తీసుకొచ్చారు.

వారిని ఆస్పత్రికి తీసుకుని వెళ్తుండగా సంతోష్​ మీనా మరణించింది. సుల్తాన్ సింగ్ కండిషన్ సీరియస్‌గా ఉంది. మెరుగైన చికిత్స కోసం గంగాపూర్‌‌ నుంచి జైపూర్‌‌కు తరలించారు. సుల్తాన్‌, మీనాకు పదేండ్లు, 12 ఏండ్ల కొడుకులు ఇద్దరు ఉన్నారు.  వారిద్దరూ ఆ సమయంలో ఇంట్లో లేకపోవడంతో ప్రమాదం నుండి బయటపడ్డారు.