This Day in History: 1969-06-30

1969: శ్రీలంక క్రికెట్ క్రీడాకారుడు సనత్ జయసూర్య జననం

1969 జూన్ 30 న జన్మించిన సనత్ జయసూర్య (Sanath Teran Jayasuriya) శ్రీలంకకు చెందిన ప్రముఖ క్రికెట్ క్రీడాకారుడు.1989 నుంచి శ్రీలంక జట్టు తరఫున మంచి ఆల్‌రౌండర్ గా పేరుత్తెచ్చుకున్నాడు. వన్డే క్రికెట్ లో 12,000 పరుగులు, 300 వికెట్లు సాధించిన ఏకైక క్రికెటర్. 403 వన్డేలలో ప్రాతినిధ్యం వహించి మొత్తం 12207 పరుగులు చేసాడు. టెస్టులలో కూడా 107 మ్యాచ్‌లు ఆడి 6791 పరుగులు, 96 వికెట్లు సాధించాడు.




క్రీడా జీవితం, సాధించిన ఘనతలు: 1996 ప్రపంచ కప్ క్రికెట్లో శ్రీలంక విజయానికి అనేక ప్రణాళికలు వేసి కప్ ను గెలిపించిన రికార్డు జయసూర్యది. ఆ ప్రపంచ కప్ లో మ్యాన్ ఆఫ్ ది టోర్నమెంటు అవార్డు జ్యసూర్యకే వరించింది. 1997లో విజ్డెన్ క్రికెటర్ ఆఫ్ ది ఇయర్ గా ఎంపైకయ్యాడు. 1999 నుంచి 2003 వరకు శ్రీలంకకు 38 టెస్టు మ్యాచ్ లలో నాయకత్వం వహించాడు. బ్యాటింగ్, బౌలింగ్ రెండింటిలోనూ ప్రతిభ ప్రదర్శించి మంచి ఆల్‌రౌండర్ గా పేరుతెచ్చుకున్నాడు.

340 పరుగుల ఇన్నింగ్స్ తో శ్రీలంక తరఫున టెస్ట్ క్రికెట్ లో అత్యధిక వ్యక్తిగత స్కోరు చేసిన బ్యాట్స్‌మెన్ గా జయసూర్య రికార్డు స్థాపించాడు. 1997లో భారత్ పై ఈ ఘనత సాధించాడు. ఇదే సమయంలో రెండో వికెట్ కు రోషన్ మహానామాతో కల్సి 576 పరుగుల పాట్నర్‌షిప్ రికార్డు సృష్టించాడు. ఇది టెస్ట్ క్రికెట్ లో రెండో వికెట్ కే కాదు ఏ వికెట్ కైనా అత్యధిక పరుగుల పాట్నర్‌షిప్ రికార్డుగా ఉండింది. కాని 2006లో ఈ రెండు రికార్డులు మహేలా జయవర్థనే 374 పరుగుల మహా ఇన్నింగ్స్ తో పటాపంచలై పోయాయి. దక్షిణాఫ్రికా పై మహేలా జయవర్థనే, కుమార సంగక్కరతో కల్సి సాధించిన 624 పరుగుల పాట్నర్‌షిప్ రికార్డు ప్రస్తుతం ప్రపంచ రికార్డుగా కొనసాగుతోంది.




వన్డేలో కూడా 189 పరుగులు చేసి శ్రీలంక తరఫున అత్యధిక వ్యక్తిగత స్కోరు సాధించిన రికార్డు స్థాపించాడు. అంతేకాదు ఇతను వెస్ట్‌ఇండీస్కు చెందిన వివియన్ రిచర్డ్స్తో కల్సి వన్డేలో అత్యధిక స్కోరు సాధించిన బ్యాట్స్‌మెన్ లలో రెండో స్థానంలో కొనసాగుతున్నాడు. శ్రీలంక తరఫున అత్యధిక వన్డే స్కోర్లలో నలుగూ ఇతనివే కావడం గననార్హం.

వన్డే క్రికెట్ లో ప్రస్తుతం అతివేగంగా సెంచరీ సాధించిన వాడిగా (17 బంతుల్లో) రికార్డు ఇతని పేరనే ఉంది. 48 బంతుల్లో సెంచరీ సాధించి అతి వేగంగా సెంచరీ సాధించిన రికార్డు సృష్టించిననూ పాకిస్తాన్కు చెందిన షాహిద్ ఆఫ్రిది అధికమించాడు. వన్డేలలో మొత్తం 241 సిక్సర్లు సాధించి ఇందులోనే ప్రపంచ రికార్డు నెలకొల్పాడు.వన్డేలలో 10,000 పరుగులు పూర్తిచేసిన వారిలో ప్రపంచంలో నాలుగవ బ్యాట్స్‌మెన్ కాగా శ్రీలంక తరఫున తొలి బ్యాట్స్‌మెన్. 2005లో 100 టెస్టులు పూర్తి చేసి ఈ ఘనత సాధించిన తొలి శ్రీలంక క్రికెటర్ గానూ రికార్డు నెలకొల్పాడు. ప్రపంచ వ్యాప్తంగా చూస్తే ఇతను ఈ ఘనత సాధించిన 33 వ క్రికెటర్. ఒకే వన్డే ఓవర్ లో 30 పరుగులు చేసి ఓవర్ లో అత్యధిక పరుగులు చేసిన రికార్డు కూడా సృష్టించిననూ దక్షిణాఫ్రికాకు చెందిన హర్షెల్ గిబ్స్ ఒకే ఓవర్ లో 36 పరుగులు చేసి ఇతడిని అధికమించాడు.




నాట్‌వెస్ట్ ట్రోఫీలో శ్రీలంక హాలెండ్ పై 438 పరుగులు సాధించి ప్రపంచ రికార్డు స్థాపించగా అందులో 157 పరుగులను (104 బంతుల్లో ) జయసూర్య చేశాడు. వన్డేలో జయసూర్య 150 పరుగుల స్కోరును దాటడం నాల్గవ సారి. ఇందులోనూ ఇతనిదే రికార్డు. 2007 ప్రపంచ కప్ లో ఇతను 2 సెంచరీలు, 2 అర్థ సెంచరీలు సాధించాడు. 2007లో ఇంగ్లాండుతో జరిగిన కాండీ టెస్టుతో టెస్ట్ క్రికెట్ నుంచి నిష్క్రమిస్తున్నట్లు ప్రకటించాడు. అయిననూ వన్డే లలో కొనసాగుతున్నాడు. అతని చివరి టెస్టులో జేమ్స్ అందెర్సన్ బౌలింగ్ లో ఒకే ఓవర్ లో 6 బౌండరీలు సాధించాడు.

సాధించిన ప్రపంచ రికార్డులు:

  • వన్డే క్రికెట్ లో అత్యంత వేగంగా సెంచరీ సాధించిన రికార్డు (17 బంతుల్లో)
  • ఒకే వన్డేలో అత్యధిక సిక్సర్లు సాధించిన రికార్డు (11) పాకిస్తాక్ చెందిన ఆఫ్రిది (11) తో కల్సి సంయుక్తంగా ప్రథమ స్థానంలో
  • వన్డే క్రికెట్ లో అత్యధిక సార్లు 150 పరుగులకు పైగా చేయడం (4 సార్లు)
  • వన్డే క్రికెట్ లో వరుసగా రెండు సార్లు 150 పరుగులకు పైగా చేయడం
  • వన్డే క్రికెట్ లో అతి వేగంగా 150 పరుగులు చేసిన రికార్డు
  • వన్డే క్రికెట్ లో అత్యధిక సిక్సర్లు కొట్టిన రికార్డు
  • ఒకే ఓవర్ లో రెండు సార్లు 30 పరుగులు చేసిన రికార్డు
  • 400 వన్డేలు ఆడిన తొలి క్రికెటర్ గా రికార్డు.

వార్తలలో జయసూర్య: ఇతని భార్య సండ్రా జయసూర్య విడాకుల కోసం 2013లో కోర్టులో పిటిషన్ దాఖలు చేసిందని ఆమె తరపు న్యాయవాదుల వెల్లడించారు. 2013 అక్టోబరు 23 తేదిన జిల్లా కోర్టులో పిటిషన్ దాఖలు చేశారని.. సాండ్రా తరపు అటార్ని అనోమా గునథిలకే తెలిపారు. త్వరలోనే జయసూర్యకు నోటిసులు జారీ చేస్తారని.. ఆతర్వాత వాదనలు ప్రారంభమవుతాయన్నారు. తన ముగ్గురు పిల్లలతోపాటు తన మెయింటెనెన్స్ కోసం 20 మిలియన్ల ఇప్పించాలని పిటిషన్ లో పేర్కొన్నట్టు అటార్ని తెలిపారు. శ్రీలంక అధ్యక్షుడు మహింద్ర రాజపక్స ప్రభుత్వంలో జయసూర్య పోస్టల్ శాఖలో డిప్యూటి మినిస్టర్ గా సేవలందిస్తున్నారు. ఏప్రిల్ 2010లో జరిగిన ఎన్నికల్లో జయస్యూర్య పార్లమెంట్ కు ఎన్నికయ్యారు.

error: